После стихир на «Господи, воззвах», «Слава, и ныне» поется Богородичен, называемый догматиком, в котором прославляется Божия Матерь и содержится догматическое учение Святой Церкви о неискусомужном рождении Богочеловека Пренепорочной и Пречистой Девой Марией, Которая, став Материю, осталась Девою. И о том, что в рожденном Ею Господе неизменно, неслиянно и нераздельно соединены два естества: Божеское и человеческое. Величая Пресвятую Деву, песнопевец прославляет Воплотившегося от Нее Сына Божия, Царя Небесного, Который по человеколюбию принял нашу плоть от Девы чистой. Он есть Единственный Сын Божий: «сугуб естеством, но не ипостасию», то есть в Нем два естества: Божеское и человеческое, но одно лицо (одна ипостась). Исповедуя, что Он есть истинно совершенный Бог и совершенный Человек и воспевая Христу Богу славу, Святая Церковь тем самым возвеличивает Безневестную Матерь, к Которой мы обращаемся, дабы молила Сына Своего о помиловании душ наших.

Глас 1

Всемирную славу, от человек прозябшую и Владыку рождшую, небесную дверь, воспоим Марию Деву, безплотных песнь и верных удобрение. Сия бо явися небо и храм Божества; Сия, преграждение вражды разрушивши, мир введе и Царствие отверзе: Сию убо имуще веры утверждение, Поборника имамы из Нея рождшагося Господа. Дерзайте убо, дерзайте, людие Божии; ибо Той победит враги, яко Всесилен.

Глас 2

Прейде сень законная, благодати пришедши: якоже бо купина не сгораше опаляема, тако Дева родила еси и Девы пребыла еси; вместо столпа огненнаго праведное возсия Солнце; вместо Моисеа Христос, спасение душ наших.

Глас 3

Како не дивимся Богомужному рождеству Твоему, Пречестная? Искушения бо мужескаго не приемши, Всенепорочная, родила еси без отца Сына плотию, прежде век от Отца рожденнаго без матере, никакоже претерпевшаго изменения, или смешения, или разделения, но обою существу свойство цело сохраншаго. Тем же, Мати Дево Владычице, Того моли спастися душам православно Богородицу исповедающих Тя.

Глас 4

Иже Тебе ради Богоотец пророк Давид песненно о Тебе провозгласи величия Тебе Сотворшему: предста Царица одесную Тебе, Тя бо Матерь ходатаицу живота показа, без отца из Тебе вочеловечитися благоволивый Бог, да Свой паки обновит образ истлевший страстьми, и заблуждшее горохищное обрет овча, на рамо восприим, ко Отцу принесет, и Своему хотению, с небесными совокупит силами, и спасет, Богородице, мир, Христос, имеяй велию и богатую милость.

Глас 5

В Чермнем мори неискусобрачныя Невесты образ написася иногда. Тамо Моисей — разделитель воды: зде же Гавриил — служитель чудесе. Тогда глубину шествова немокренно Израиль; ныне же Христа роди безсе́менно Дева. Море по прошествии Израилеве пребысть непроходно; Непорочная по рождестве Еммануилеве пребысть нетленна. Сый и прежде сый, явлейся яко человек, Боже, помилуй нас.

Глас 6

Кто Тебе не ублажит, Пресвятая Дево? Кто ли не воспоет Твоего пречистаго Рождества? Безлетно бо от Отца возсиявый Сын Единородный, Тойже от Тебе Чистыя пройде, неизреченно воплощься, естеством Бог сый и естеством быв Человек нас ради, не во двою лицу разделяемый, но во двою естеству неслитно познаваемый. Того моли, Чистая, Всеблаженная, помиловатися душам нашим.

Глас 7

Мати убо позналася еси паче естества, Богородице, пребыла же еси Дева паче слова и разума, и чудесе рождества Твоего сказати язык не может, преславну бо сущу зачатию, Чистая, непостижен есть образ рождения; идеже бо хощет Бог, побеждается естества чин. Темже Тя вси Матерь Божию ведуще, молим Ти ся прилежно, моли спастися душам нашим.

Глас 8

Царь Небесный за человеколюбие на земли явися, с человеки поживе: от Девы бо чистыя плоть приемый и из Нея прошедый с восприятием; един есть Сын, сугуб естеством, но не Ипостасию. Темже совершенна Того Бога и совершенна Человека воистинну проповедающе, исповедуем Христа Бога нашего: Егоже моли, Мати безневестная, помиловатися душам нашим.

Богородичны догматики поются и на седмичные дни:

на субботы (кроме тех случаев, когда суббота совпадает с двунадесятым праздником, а также предпразднством, попразднством или отданием праздников Рождества Христова и Богоявления Господня), поется Богородичен 1, или догматик гласа настоящего, который звучал в течение всей минувшей седмицы;

на праздники святым со славословием, полиелеем и бдением, если только они не приходятся на субботу, поется Богородичен догматик по гласу, на который исполнялась стихира на «Слава», на субботу же поется догматик гласа Недели.

Догматик первого гласа: «Дерзайте, люди Божии!»

Догматик – это песнопение в честь Богородицы на всенощном бдении под воскресенье. 31 августа в храме будет звучать догматик «Всемирную славу от человек прозябшую». В нем рассказывается о воплощении Творца, сделавшим возможным избавление человеческого рода от власти греха, смерти и диавола, и о Той, которая этому послужила и стала опорой нашей веры. Рассказывает священник Феодор Людоговский.

Глас 1:
Всемирную славу,
от человек прозябшую,
и Владыку рождшую,
небесную дверь
воспоим Марию Деву,
Бесплотных песнь, и верных удобрение:
Сия бо явися небо, и храм Божества:
Сия преграждение вражды разрушивши,
мир введе, и Царствие отверзе.
Сию убо имуще веры утверждение,
Поборника имамы из Нея рождшагося Господа.
Дерзайте убо, дерзайте людие Божии:
ибо Той победит враги, яко Всесилен.

Перевод:
Всемирно славную,
от людей происшедшую и Владыку родившую
воспоем, – Марию Деву,
небесную дверь, Бесплотных песнь и верных украшение.
Ибо явилась Она небом и храмом Божества.
Она, разрушив враждебную преграду,
мир водворила и отверзла Царство.
Потому держась Её, опоры нашей веры,
имеем мы Защитником от Нее рожденного Господа.
Дерзайте же, дерзайте, люди Божии,
ибо Он победит врагов, как Всемогущий.

Догматик – это песнопение, посвященное Богородице, которое мы всякий раз слышим на всенощном бдении под воскресенье: оно поется в качестве последней стихиры (на «И ныне…») на «Господи, воззвах» на великой вечерне, когда царские врата уже открыты и совершается вход с кадилом. Основное содержание догматиков – боговоплощение. Догматики находятся в Октоихе и всего их восемь – по числу гласов Октоиха.

Догматик первого гласа «Всемирную славу…» насыщен образами, метафорами, цель которых – показать роль Девы Марии в нашем спасении. Она именуется небесной дверью – поскольку открыла нам вход в Царство Небесное (впрочем, если требовать догматической точности, то следует сказать, что Богородица послужила нашему спасению, которое было совершено Господом Иисусом Христом). Далее Богоматерь называется небом, т. е. местом пребывания Бога, храмом, святилищем – как телесно вместившая Божество. Наконец, о Ней говорится как об опоре (буквально, в переводе с греческого, якоре) нашей веры – вероятно, потому, что воплощение Творца, сделавшее возможным избавление человеческого рода от власти греха, смерти и диавола, – это одна из наиболее важных истин христианства, отличающая его от других религий.

Говоря об этом песнопении, хотелось бы обратить внимание на его греческий оригинал. К сожалению, ни церковнославянский, ни русский переводы не передают той игры звуков, которая присутствует в греческом тексте. Приведем хотя бы один пример: тон асматон тон асма / кэ тон пистон энкаллописма (ср. по-русски: бесплотных песнь и верных украшение).

В догматике употреблено слово ναός (наос) – «храм». В Новом Завете для обозначения иерусалимского Храма обычно употребляется другое слово – ἱερόν (иерон), буквально «святилище». Слово же ναός неоднократно используется как раз для выражения мысли о телесном храме, ср.: «Иисус сказал им в ответ: разрушьте храм сей, и Я в три дня воздвигну его. На это сказали Иудеи: сей храм строился сорок шесть лет, и Ты в три дня воздвигнешь его? А Он говорил о храме тела Своего» (Ин 2:19–21); «Разве не знаете, что вы храм Божий, и Дух Божий живет в вас? – пишет апостол Павел. – Если кто разорит храм Божий, того покарает Бог: ибо храм Божий свят; а этот храм – вы» (1Кор 3:16–17). Что же касается христианских храмов, церквей, то они не мыслятся как святилище, как место исключительного пребывания Божества: когда стоя на службе мы молимся «о святем храме сем» (греч. ὑπέρ τοῦ ἁγίου οἴκου τούτου), мы молимся о святом доме (οἶκος, икос) – о доме, в котором собрались христиане, чтобы совершить евхаристию.

И еще об одном греческом слове хотелось бы здесь сказать. Это ὑπέρμαχος (ипермахос), переведенное на церковнославянский язык как Поборник, а на русский – как Защитник. Эта лексема встречается и в другом, не менее известном, богослужебном тексте, однако там она передана по-славянски несколько менее вразумительно, хотя, возможно, и более привычно. Я имею в виду Великий акафист, который начинается со слова Взбранной. Непонимание этого слова привело к тому, что в значительной (и даже большей) части акафистов святым, написанных в России, первый кондак начинается не с в(о)збранной, а с более понятного для носителей русского языка слова – избранный, которое звучит похоже, однако имеет совершенно другое значение и содержит иной корень.

В заключение позволим себе еще раз привести последние строки догматика первого гласа: они способны укрепить ослабевших, а потерявшим надежду – вернуть упование на помощь Божью:
Ободрись же, ободрись, народ Бога, ибо Он победит врагов, будучи Всесильным.

Источник: Журнал о православной жизни «Нескучный сад»

Догматик второго гласа: «Вместо столпа огненного воссияло Солнце правды»

В первых же его строках противопоставляются Моисеев закон и благодать, явившаяся с приходом в мир Сына Божия. А что понимается под благодатью? Догматик «Прейде сень законная» комментирует священник Феодор Людоговский.

Догматик, глас 2:
Прейде сень законная,
благодати пришедши:
якоже бо купина не сгараше опаляема:
тако Дева родила еси,
и Дева пребыла еси.
Вместо столпа огненнаго,
Праведное возсия Солнце:
вместо Моисея, Христос,
Спасение душ наших.

Перевод:
Прошла тень закона,
когда благодать явилась;
ибо как не сгорал терновый куст, объятый пламенем,
так Ты, Дева, родила и девою осталась.
Вместо столпа огненного
воссияло Солнце правды,
вместо Моисея – Христос,
спасение душ наших.

На прошлой неделе мы рассматривали догматик первого гласа. Напомним: догматики входят в состав воскресной службы, находятся в Октоихе, представляют собой последнюю из группы стихир на «Господи, воззвах…» (на великой вечерне) и посвящены воплощению Сына Божия и Его рождению от Девы Марии.
Догматик второго гласа (как и многие другие церковные песнопения) построен на сопоставлении и противопоставлении событий и личностей, с одной стороны, Ветхого, с другой – Нового Завета.
В первых двух строчках этой стихиры противополагаются Закон, данный Моисею на горе Синай (Исх 19–20), и благодать (греч. χάρις, лат. gratia), явившаяся с приходом на землю Сына Божия (ср. у апостола Иоанна Богослова: «…закон дан чрез Моисея; благодать же и истина произошли чрез Иисуса Христа», Ин 1:17). Под благодатью часто подразумевают нетварную божественую энергию; однако, думается, вполне уместным здесь будет и другое – первоначальное – значение этого слова: милость, любовь. Ветхозаветный Закон определял правила жизни избранного народа; одной из главных его идей было справедливое воздаяние – и не в последнюю очередь воздаяние за грехи, за проступки против Бога и ближних. Христово же благовестие и сама жизнь нашего Учителя говорит об ином: любовь, милость – выше справедливости, выше буквы закона. Здесь можно вспомнить и многочисленные исцеления, совершенные Спасителем в субботу (напр., Мк 3:1–6), и уврачевание кровоточивой женщины (Лк 8:43–48), и притчи о блудном сыне (Лк 15:11–32) и о наёмных работниках (Мф 20:1–16), и, наконец, молитву Иисуса о распинавших Его: «Отче! прости им, ибо не знают, что делают» (Лк 23:34).

Обратим внимание на выражение тень закона в первой строке стихиры. Конечно, имеется в виду не тень от закона, а сам закон. Это – так называемая генитивная метафора (метафора, включающая в свой состав существительное в родительном падеже), ср. «тростинка мачты» (т. е мачта напоминает издали тростинку), «изумруды глаз», «яд зависти» и т. п. Закон именуется тенью, поскольку он представлял собой лишь прообраз будущего. Об этом говорится в Послании к Евреям: «Закон, имея тень будущих благ, а не самый образ вещей, одними и теми же жертвами, каждый год постоянно приносимыми, никогда не может сделать совершенными приходящих с ними. Иначе перестали бы приносить их, потому что приносящие жертву, быв очищены однажды, не имели бы уже никакого сознания грехов. Но жертвами каждогодно напоминается о грехах, ибо невозможно, чтобы кровь тельцов и козлов уничтожала грехи. Посему Христос, входя в мир, говорит: жертвы и приношения Ты не восхотел, но тело уготовал Мне. …Освящены мы единократным принесением тела Иисуса Христа» (Евр 10:1–5, 10).

Далее в догматике проводится аналогия приснодевства Марии с неопалимой купиной – прием, весьма распространённый в византийской гимнографии. Богородица, телесно вместившая огонь Божества, сохранила девство и до, и после рождения Спасителя – это столь же необычайно и чудесно, как и тот терновый куст, в котором Господь явился Моисею: куст был весь объят пламенем – и, однако же, не сгорал (Исх 3:2).

Еще одно противопоставление Ветхого и Нового Заветов, представленное в стихире: когда евреи выходили из Египта, «Господь… шел пред ними днем в столпе облачном, показывая им путь, а ночью в столпе огненном» (Исх 13:21); ныне же вместо огненного столпа нам явилось Солнце правды (Мал 4:2) – сам Христос, Бог и человек.

Наконец, в сегодняшнем догматике Спаситель сопоставляется с пророком Моисеем, которого мы уже не раз упоминали. Моисей вывел еврейский народ из египетского плена – под его руководством они вышли из земли порабощения и устремились в землю обетованную. Христос же, воплощённый Сын Божий, даровал нам свободу от греха, Он освободил нас от рабства диаволу, открыл Своей смертью и воскресением Царство Небесное.

Источник: Журнал о православной жизни «Нескучный сад»

Богородичны Воскресны

по тропаре́х святы́х, пое́мыя во все ле́то, в вече́рню же и на Бог Госпо́дь: во у́трени и па́ки в коне́ц у́трени

Глас 1

В неде́лю ве́чера и в понеде́льник на Бог Госпо́дь:

Чу́до чуде́с, Благода́тная, в Тебе́ зря́щи, / тва́рь ра́дуется, / зачала́ бо еси́ безсе́менно / и родила́ еси́ неизрече́нно, / Его́же чинонача́лия А́нгелов ви́дети не мо́гут, / Того́ моли́ о душа́х на́ших.

В коне́ц у́трени:

Пречи́стая Богоро́дице, / на Небесе́х Благослове́нная / и на земли́ славосло́вимая, / ра́дуйся, Неве́сто Неневе́стная.

В понеде́льник ве́чера и во вто́рник на Бог Госпо́дь:

Заче́ншая неопа́льно О́гнь Боже́ственный / и ро́ждшая безсе́менно Исто́чника Жи́зни, Го́спода, / Благода́тная Богоро́дице, / спаса́й Тя велича́ющия.

В коне́ц у́трени:

Безма́терняго на Небеси́, па́че мы́сли и слу́ха, / на земли́ без отца́ родила́ еси́; / Того́, Богоро́дице, / моли́ о душа́х на́ших.

Во вто́рник ве́чера и в сре́ду на Бог Госпо́дь:

Твое́ предста́тельство иму́ще, Пречи́стая, / и Твои́ми моли́твами лю́тых избавля́еми, / Кресто́м Сы́на Твоего́ везде́ соблюда́еми, / по до́лгу Тя вси благоче́стно велича́ем.

В коне́ц у́трени: Пречи́стая Богоро́дице, на Небесе́х:

В сре́ду ве́чера и в четверто́к на Бог Госпо́дь: Заче́ншая неопа́льно О́гнь Боже́ственный:

В коне́ц у́трени: Безма́терняго на Небеси́:

В четверто́к ве́чера и в пято́к на Бог Госпо́дь: Твое́ предста́тельство иму́ще:

В коне́ц у́трени: Пречи́стая Богоро́дице:

В пято́к ве́чера и в суббо́ту на Бог Госпо́дь:

Гаврии́лу веща́вшу Тебе́, Де́во, ра́дуйся, / со гла́сом воплоща́шеся всех Влады́ка / в Тебе́, святе́м киво́те, / я́коже рече́ пра́ведный Дави́д, / яви́лася еси́ ши́ршая Небе́с, / поноси́вши Зижди́теля Твоего́: / сла́ва Все́льшемуся в Тя; / сла́ва Проше́дшему из Тебе́; / сла́ва Свободи́вшему нас Рождество́м Твои́м.

В коне́ц у́трени: Безма́терняго на Небеси́:

Глас 2

В неде́лю ве́чера и в понеде́льник на Бог Госпо́дь:

Благоутро́бия су́щи исто́чник, / ми́лости сподо́би нас, Богоро́дице, / при́зри на лю́ди согреши́вшия, / яви́, я́ко при́сно, си́лу Твою́, / на Тя бо упова́юще, ра́дуйся, вопие́м Ти, / я́коже иногда́ Гаврии́л, Безпло́тных Архистрати́г.

В коне́ц у́трени:

Ма́ти Свята́я неизрече́ннаго Све́та, / а́нгельскими Тя пе́сньми почита́юще, / благоче́стно велича́ем.

В понеде́льник ве́чера и во вто́рник на Бог Госпо́дь:

Боже́ственнаго бы́хом о́бщницы естества́ / Тобо́ю, Богоро́дице Присноде́во, / Бо́га бо нам воплоти́вшагося родила́ еси́. / Те́мже по до́лгу Тя вси благоче́стно велича́ем.

В коне́ц у́трени:

Тя велича́ем, Богоро́дице, вопию́ще: / ра́дуйся, незаходи́маго Све́та о́блаче, / Того́ носи́вши в не́дрех Сла́вы Го́спода.

Во вто́рник ве́чера и в сре́ду на Бог Госпо́дь:

Препросла́вленна еси́, Богоро́дице Де́во, / пое́м Тя: / Кресто́м бо Сы́на Твоего́ низложи́ся ад / и сме́рть умертви́ся, / умерщвле́ннии, воста́хом и Живота́ сподо́бихомся: / рай восприя́хом, дре́внее наслажде́ние. / Тем благодаря́ще, славосло́вим / я́ко держа́внаго Христа́ Бо́га на́шего / и Еди́наго Многоми́лостиваго.

В коне́ц у́трени:

Тя велича́ем, Богоро́дице, вопию́ще: / ра́дуйся, же́зле, / от него́же безсе́менно Бог прозябы́й, / погуби́ на Дре́ве сме́рть.

В сре́ду ве́чера и в четверто́к на Бог Госпо́дь: Боже́ственнаго бы́хом о́бщницы:

В коне́ц у́трени: Тя велича́ем, Богоро́дице, вопию́ще: / ра́дуйся, незаходи́маго Све́та о́блаче:

В четверто́к ве́чера и в пято́к на Бог Госпо́дь: Препросла́вленна еси́, Богоро́дице Де́во:

В коне́ц у́трени: Тя велича́ем, Богоро́дице, вопию́ще: / ра́дуйся, же́зле:

В пято́к ве́чера и в суббо́ту на Бог Госпо́дь:

Вся па́че смы́сла, / вся пресла́вная Твоя́, Богоро́дице, та́инства, / чистоте́ запеча́танной и де́вству храни́му, / Ма́ти позна́лася еси́ нело́жна, / Бо́га ро́ждши И́стиннаго. / Того́ моли́ спасти́ся душа́м на́шим.

В коне́ц у́трени: Ма́ти Свята́я неизрече́ннаго Све́та:

А́ще прилучи́тся аллилу́ия: в ко́ем-ли́бо гла́се, глаго́лются сия́:

Апо́столи, му́ченицы и проро́цы, / святи́телие, преподо́бнии и пра́веднии, / до́бре по́двиг соверши́вшии и ве́ру соблю́дшии, / дерзнове́ние иму́ще ко Спа́су, / о нас Того́, я́ко Бла́га, моли́те, / спасти́ся, мо́лимся, душа́м на́шим.

Помяни́, Го́споди, я́ко Благ, души́ раб Твои́х / и, ели́ка в жи́тий согреши́ша, прости́, / никто́же бо безгре́шен, то́кмо Ты, / моги́й и преста́вленным да́ти поко́й.

Ма́ти Свята́я неизрече́ннаго Све́та:

Глас 3

В неде́лю ве́чера и в понеде́льник на Бог Госпо́дь:

Красоте́ де́вства Твоего́ и пресве́тлой чистоте́ Твое́й / Гаврии́л удиви́вся, вопия́ше Ти, Богоро́дице: / ку́ю Ти похвалу́ принесу́ досто́йную? / что же возъимену́ю Тя? / недоумева́ю и ужаса́юся. / Те́мже, я́ко повеле́н бых, вопию́ Ти: / ра́дуйся, Благода́тная.

В коне́ц у́трени:

Ки́йждо, иде́же спаса́ется, / та́мо пра́ведно и притека́ет, / и ко́е ино́е таково́е прибе́жище, / я́ко Ты, Богоро́дице, / покрыва́ющее ду́ши на́ша.

В понеде́льник ве́чера и во вто́рник на Бог Госпо́дь:

Прибе́жище и си́ла на́ша, Богоро́дице, / держа́вная по́мощь ми́ра, / моли́твами Твои́ми покры́й рабы́ Твоя́ / от вся́кия ну́жды, / Еди́на Благослове́нная.

В коне́ц у́трени: Ки́йждо, иде́же спаса́ется:

Во вто́рник ве́чера и в сре́ду на Бог Госпо́дь:

Жезл си́лы стяжа́вшии, Крест Сы́на Твоего́, Богоро́дице, / тем низлага́ем враго́в шата́ния, / любо́вию Тя непреста́нно велича́юще.

В коне́ц у́трени: Прибе́жище и си́ла на́ша:

В сре́ду ве́чера и в четверто́к на Бог Госпо́дь:

Проро́цы пропове́даша, / апо́столи научи́ша, / му́ченицы испове́даша / и мы ве́ровахом Богоро́дицу Тя вои́стинну су́щую. / Тем и велича́ем Рождество́ Твое́ неизрече́нное.

В коне́ц у́трени: Ки́йждо, иде́же спаса́ется:

В четверто́к ве́чера и в пято́к на Бог Госпо́дь: Жезл си́лы:

В коне́ц у́трени: Прибе́жище и си́ла на́ша:

В пято́к ве́чера и в суббо́ту на Бог Госпо́дь:

Тя, хода́тайствовавшую спасе́ние ро́да на́шего, / воспева́ем, Богоро́дице Де́во: / пло́тию бо, от Тебе́ восприя́тою, Сын Твой и Бог наш, / Кресто́м восприи́м стра́сть, / изба́ви нас от тли я́ко Человеколю́бец.

В коне́ц у́трени: Проро́цы пропове́даша:

Глас 4

В неде́лю ве́чера и в понеде́льник на Бог Госпо́дь:

Воспита́вшейся во хра́ме во свята́я святы́х, / оде́янней ве́рою и прему́дростию и безме́рным де́вством, / Архистрати́г Гаврии́л принесе́ с Небесе́ целова́ние / и, е́же ра́дуйся, ра́дуйся, Благослове́нная: / ра́дуйся, Препросла́вленная, Госпо́дь с Тобо́ю.

В коне́ц у́трени:

Я́ко всех еси́ творе́ний вы́шшая, / воспева́ти Тя досто́йно недоумева́юще, Богоро́дице, / ту́не, мо́лим Тя, поми́луй нас.

В понеде́льник ве́чера и во вто́рник на Бог Госпо́дь:

К Богоро́дице приле́жно ны́не притеце́м, / гре́шнии и смире́ннии, и припаде́м, / в покая́нии зову́ще из глубины́ души́: / Влады́чице, помози́, на ны милосе́рдовавши, / потщи́ся, погиба́ем от мно́жества прегреше́ний, / не отврати́ Твоя́ рабы́ тщи, / Тя бо и еди́ну наде́жду и́мамы.

В коне́ц у́трени:

Тя велича́ем, Богоро́дице, вопию́ще: / Ты еси́ купина́, в не́йже неопа́льно Моисе́й ви́де, / я́ко пла́мень, О́гнь Божества́.

Во вто́рник ве́чера и в сре́ду на Бог Госпо́дь:

Де́во Пренепоро́чная, Ма́ти Христа́ Бо́га, / ору́жие про́йде Твою́ пресвяту́ю ду́шу, / егда́ распина́ема ви́дела еси́ во́лею Сы́на и Бо́га Твоего́; / Его́же, Благослове́нная, моля́щи не преста́й / проще́ние прегреше́ний нам дарова́ти.

В коне́ц у́трени:

Тя велича́ем, Богоро́дице, вопию́ще: / Ты еси́ гора́, от нея́же неизглаго́ланно отсече́ся Ка́мень / и врата́ а́дова сокруши́.

В сре́ду ве́чера и в четверто́к на Бог Госпо́дь:

Сло́во О́тчее, Христа́ Бо́га на́шего, / от Тебе́ воплоти́вшагося, позна́хом, Богоро́дице Де́во, / Еди́на Чи́стая, / Еди́на Благослове́нная. / Тем непреста́нно Тя, воспева́юще, велича́ем.

В коне́ц у́трени: Я́ко всех еси́ творе́ний:

В четверто́к ве́чера и в пято́к на Бог Госпо́дь: Де́во Пренепоро́чная, Ма́ти:

В коне́ц у́трени: Тя велича́ем, Богоро́дице, вопию́ще: Ты еси́ гора́:

В пято́к ве́чера и в суббо́ту на Бог Госпо́дь:

Е́же от ве́ка утае́ное / и А́нгелом несве́домое та́инство, / Тобо́ю, Богоро́дице, су́щим на земли́ яви́ся Бог, / в несли́тном соедине́нии воплоща́емь, / и, Крест во́лею нас ра́ди восприи́м, / и́мже воскреси́в первозда́ннаго, / спа́се от сме́рти души́ на́ша.

В коне́ц у́трени: Тя велича́ем, Богоро́дице, вопию́ще: Ты еси́ купина́:

Глас 5

В неде́лю ве́чера и в понеде́льник на Бог Госпо́дь:

Со А́нгелы Небе́сная, с челове́ки земна́я, / гла́сом ра́дования, Богоро́дице, вопие́м Ти: / ра́дуйся, врата́, Небе́с ши́ршая; / ра́дуйся, Еди́на земноро́дных спасе́ние; / ра́дуйся, Чи́стая Благода́тная, / ро́ждшая Бо́га воплоти́вшагося.

В коне́ц у́трени:

От Де́вы возсия́вый ми́ру, Христе́ Бо́же, / сы́ны Све́та То́ю показа́вый, поми́луй нас.

В понеде́льник ве́чера и во вто́рник на Бог Госпо́дь:

Ско́рый Твой покро́в, и по́мощь, / и ми́лость покажи́ на рабы́ Твоя́, / и во́лны, Чи́стая, укроти́ су́етных по́мыслов, / и па́дшую мою́ ду́шу возста́ви, Богоро́дице: / вем бо, вем, Де́во, / я́ко мо́жеши, ели́ка и хо́щеши.

В коне́ц у́трени:

Ма́ти Бо́жия Пресвята́я, стено́ христиа́н, / изба́ви лю́ди Твоя́ обы́чно, зову́щия Ти приле́жно, / сопроти́вися сра́мным и го́рдым по́мыслом, да вопие́м Ти: / ра́дуйся, Присноде́во.

Во вто́рник ве́чера и в сре́ду на Бог Госпо́дь:

Кресто́м Сы́на Твоего́, Богоблагода́тная, / и́дольская пре́лесть вся упраздни́ся / и де́монская кре́пость попра́ся. / Сего́ ра́ди, ве́рнии, по до́лгу Тя при́сно пое́м и благослови́м / и, Богоро́дицу вои́стинну испове́дающе Тя, велича́ем.

В коне́ц у́трени: От Де́вы возсия́вый ми́ру:

В сре́ду ве́чера и в четверто́к на Бог Госпо́дь:

Стра́нное Де́вы та́инство ми́ру показа́ся спаси́тельное: / от Нея́ бо роди́лся еси́ без се́мене / и пло́тию показа́лся еси́ без истле́ния, / всех ра́досте, / Го́споди, сла́ва Тебе́.

В коне́ц у́трени: Ма́ти Бо́жия Пресвята́я:

В четверто́к ве́чера и в пято́к на Бог Госпо́дь: Кресто́м Сы́на Твоего́:

В коне́ц у́трени: От Де́вы возсия́вый ми́ру:

В пято́к ве́чера и в суббо́ту на Бог Госпо́дь:

Ра́дуйся, две́ре Госпо́дня непроходи́мая; / ра́дуйся, стено́ и покро́ве притека́ющих к Тебе́; / ра́дуйся, необурева́емое приста́нище и Неискусобра́чная, / ро́ждшая пло́тию Творца́ Твоего́ и Бо́га, / моля́щи не оскудева́й о воспева́ющих / и кла́няющихся Рождеству́ Твоему́.

В коне́ц у́трени: От Де́вы возсия́вый ми́ру:

Глас 6

В неде́лю ве́чера и в понеде́льник на Бог Госпо́дь:

Нача́ло спасе́ния / Гаврии́лово провеща́ние к Де́ве бы́сть, / слы́ша бо, е́же ра́дуйся, и не убеже́ целова́ния, / не усумне́ся, я́ко Са́рра в се́ни, / но си́це глаго́лаше: / се раба́ Госпо́дня, / бу́ди Мне по глаго́лу твоему́.

В коне́ц у́трени:

Арха́нгельское сло́во прия́ла еси́, / и Херуви́мский престо́л показа́лася еси́, / и на объя́тиих Твои́х носи́ла еси́, Богоро́дице, / Наде́жду душ на́ших.

В понеде́льник ве́чера и во вто́рник на Бог Госпо́дь:

Упова́ние ми́ра, / Блага́я Богоро́дице Де́во, / Твое́ и еди́но держа́вное предста́тельство про́сим: / умилосе́рдися на безпредста́тельственныя лю́ди, / моли́ Ми́лостиваго Бо́га / изба́витися душа́м на́шим от вся́каго преще́ния, / Еди́на Благослове́нная.

В коне́ц у́трени:

Никто́же, притека́яй к Тебе́, / посра́млен от Тебе́ исхо́дит, / Пречи́стая Богоро́дице Де́во, / но про́сит благода́ти / и прие́млет дарова́ние к поле́зному проше́нию.

Во вто́рник ве́чера и в сре́ду на Бог Госпо́дь:

Богоро́дице Де́во, / моли́ Сы́на Твоего́, / во́лею пригвозди́вшагося на Кресте́ / и мир от пре́лести свобо́ждшаго, Христа́ Бо́га на́шего, / поми́ловати души́ на́ша.

В коне́ц у́трени:

Пре́жде век от Отца́ без ма́тере рожде́нна, / Сы́на и Сло́ва Бо́жия, / в после́дняя ле́та родила́ еси́ / воплоти́вшагося от чи́стых крове́й Твои́х, Богороди́тельнице, без му́жа. / Его́же моли́ / дарова́тися нам грехо́в оставле́нию пре́жде конца́.

В сре́ду ве́чера и в четверто́к на Бог Госпо́дь:

Свята́я Влады́чице, / Чи́стая Бо́га на́шего Ма́ти, / всех Творца́ неизрече́нно ро́ждшая, / моли́ со апо́столы свяще́нными всегда́ бла́гость Его́, / страсте́й нам изба́вити / и оставле́ние нам да́ти грехо́в.

В коне́ц у́трени:

Вели́ких дарова́ний, / Чи́стая Де́во Богома́ти, / Ты сподо́билася еси́, / я́ко родила́ еси́ пло́тию / Еди́наго от Тро́ицы, Христа́ Жизнода́вца, / во спасе́ние душ на́ших.

В четверто́к ве́чера и в пято́к на Бог Госпо́дь: Богоро́дице Де́во, моли́ Сы́на Твоего́:

В коне́ц у́трени: Пре́жде век от Отца́ без ма́тере:

В пято́к ве́чера и в суббо́ту на Бог Госпо́дь:

Предповеству́ет Гедео́н зача́тие / и сказу́ет Дави́д Рождество́ Твое́, Богоро́дице: / сни́де бо, я́ко до́ждь на руно́, / Сло́во во чре́во Твое́, / и прозябла́ еси́ без се́мене, / земле́ свята́я, ми́ра Спасе́ние, / Христа́ Бо́га на́шего, Благода́тная.

В коне́ц у́трени: Пре́жде век от Отца́ без ма́тере:

Глас 7

В неде́лю ве́чера и в понеде́льник на Бог Госпо́дь:

Богоро́дице Де́во Нескве́рная, / Сы́на Твоего́ моли́ с Го́рними си́лами / проще́нию прегреше́ний / нам пре́жде конца́ дарова́тися, / ве́рно Тя сла́вящим.

В коне́ц у́трени:

Превзошла́ еси́ си́лы Небе́сныя, / зане́ храм показа́лася еси́ Боже́ственный, / Благослове́нная Богоро́дице, / я́ко ро́ждшая Христа́, / Спа́са душ на́ших.

В понеде́льник ве́чера и во вто́рник на Бог Госпо́дь:

Ра́дуйся, Тебе́ приво́дим, Богоро́дице, / А́нгелов бо вы́шшая показа́лася еси́, / Бо́га ро́ждшая.

В коне́ц у́трени:

Умири́ моли́твами Богоро́дицы жи́знь на́шу, / вопию́щих Ти: / Ми́лостиве Го́споди, сла́ва Тебе́.

Во вто́рник ве́чера и в сре́ду на Бог Госпо́дь:

Распе́ншагося за ны Христа́ Бо́га / и разруши́вшаго сме́рти держа́ву, / непреста́нно моли́, / Богоро́дице Де́во, / да спасе́т души́ на́ша.

В коне́ц у́трени:

Изба́ви, Богоро́дице, от содержа́щих нас грехо́в, / я́ко ина́го упова́ния, ве́рнии, не и́мамы ра́зве Тебе́ / и от Тебе́ ро́ждшагося Бо́га.

В сре́ду ве́чера и в четверто́к на Бог Госпо́дь:

Плод чре́ва Твоего́, Пречи́стая, / проро́ков е́сть и зако́на исполне́ние. / Тем Тя, Богоро́дицу, / в ве́дении сла́вяще, / благоче́стно велича́ем.

В коне́ц у́трени:

Плод чре́ва Твоего́, Богоневе́сто, / челове́ком показа́ся спасе́ния хода́тайственный. / Тем Тя, Богоро́дицу, / ра́зумом и язы́ком сла́вяще, / ве́рнии, велича́ем.

В четверто́к ве́чера и в пято́к на Бог Госпо́дь: Распе́ншагося за ны Христа́ Бо́га:

В коне́ц у́трени: Изба́ви, Богоро́дице:

В пято́к ве́чера и в суббо́ту на Бог Госпо́дь:

Я́ко на́шего воскресе́ния сокро́вище, / на Тя наде́ющияся, Всепе́тая, / от ро́ва и глубины́ прегреше́ний возведи́, / Ты бо пови́нныя греху́ спасла́ еси́, / ро́ждшая Спасе́ние на́ше: / Я́же пре́жде рождества́ Де́ва, и в рождестве́ Де́ва, / и по рождестве́ па́ки пребыва́еши Де́ва.

В коне́ц у́трени:

Ра́дуйся, Невмести́маго в Небесе́х / вмести́вшая во утро́бе Твое́й; / ра́дуйся, Де́во, проро́ков пропове́дание, / Е́юже возсия Емману́ил; / ра́дуйся, Ма́ти Христа́ Бо́га.

Глас 8

В неде́лю ве́чера и в понеде́льник на Бог Госпо́дь:

Ра́дуйся, А́нгелом Ра́дость ми́ра прие́мшая; / ра́дуйся, ро́ждшая Творца́ Твоего́ и Го́спода; / ра́дуйся, сподо́бльшаяся бы́ти Ма́ти Бо́жия.

В коне́ц у́трени:

Ра́дуйся, Врата́ Царя́ Сла́вы, / я́же Вы́шний Еди́н прои́де / и Еди́ну запеча́тану сохрани́ / во спасе́ние душ на́ших.

В понеде́льник ве́чера и во вто́рник на Бог Госпо́дь:

Недви́жимое утвержде́ние ве́ры / и честны́й дар душ на́ших, / Богоро́дицу пе́сньми велича́ем, ве́рнии: / ра́дуйся, Ка́мень Жи́зни во чре́ве Твое́м вмести́вшая; / ра́дуйся, конце́й наде́ждо, скорбя́щих заступле́ние; / ра́дуйся, Неве́сто Неневе́стная.

В коне́ц у́трени:

Де́во Пречи́стая, спаси́ ны моли́твами Твои́ми, / дви́жущи утро́бу ма́тернюю, / Сы́ну Твоему́ и Бо́гу на́шему.

Во вто́рник ве́чера и в сре́ду на Бог Госпо́дь:

А́гнца, и Па́стыря, и Спа́са ми́ра, на Кресте́ зря́щи, / Ро́ждшая Тя, глаго́лаше, слезя́щи: / мир у́бо ра́дуется, прие́мля избавле́ние, / утро́ба же Моя́ гори́т, зря́щи Твое́ распя́тие, / е́же за всех терпи́ши, Сы́не и Бо́же Мой.

В коне́ц у́трени:

Плод чре́ва Твоего́, Пречи́стая, / проро́ков е́сть и зако́на исполне́ние. / Тем Тя, Богоро́дицу, в ве́дении сла́вяще, благоче́стно велича́ем.

В сре́ду ве́чера и в четверто́к на Бог Госпо́дь:

Мы́сленная врата́ Жи́зни, Пречи́стая Богоро́дице, / притека́ющия к Тебе́ ве́рно изба́ви от бед: / да сла́вим пресвято́е Рождество́ Твое́ во спасе́ние душ на́ших.

В коне́ц у́трени: Де́во Пречи́стая, спаси́ ны:

В четверто́к ве́чера и в пято́к на Бог Госпо́дь: А́гнца, и Па́стыря:

В коне́ц у́трени: Плод чре́ва Твоего́, Пречи́стая:

В пято́к ве́чера и в суббо́ту на Бог Госпо́дь:

И́же нас ра́ди рожде́йся от Де́вы / и распя́тие претерпе́в, Благи́й, / испрове́ргий сме́ртию сме́рть / и Воскресе́ние явле́й я́ко Бог, / не пре́зри, я́же созда́л еси́ руко́ю Твое́ю, / яви́ человеколю́бие Твое́, Ми́лостиве, / приими́ ро́ждшую Тя Богоро́дицу, моля́щуюся за ны, / и спаси́, Спа́се наш, лю́ди отча́янный.

В коне́ц у́трени: Де́во Пречи́стая, спаси́ ны:

Догматики 8 гласов

Добавить комментарий

Ваш e-mail не будет опубликован. Обязательные поля помечены *