Погребальные стихиры преподобного Иоанна Дамаскина

Стихира (греч. многостишие) — богослужебное песнопение, состоящее из нескольких стихов. Стихиры входят во многие богослужебные последования. В этом разделе приводятся стихиры св. Иоанна Дамаскина из чина погребения.
Преподобный Иоанн Дамаскин — отец церкви, филосов и богослов. Им был составлен Октоих и большое количество канонов, тропарей, кондаков и стихир. Согласно житию, старец, в послушании которого находился св. Иоанн, запретил ему писать. Св. Иоанн выполнял приказание старца, но однажды в монастыре умер инок, и брат умершего стал умолять Иоанна написать что-либо, чтобы помочь ему утешиться. Так были созданы погребальные стихиры. Житие говорит, что за ослушание старец хотел выгнать св. Иоанна, но Сама Божия Матерь вступилась за певца. Она явилась во сне старцу и сказала: «Зачем ты мешаешь Иоанну? У него гусли пророка, он поет песни Давида и воспевает новые песни Господу Богу».
Текст погребальных стихир достаточно сложен для понимания, поэтому они приводятся с параллельным русским переводом.
Кая житейская сладость пребывает печали непричастна; кая ли слава стоит на земли непреложна; вся сени немощнейша, вся соний прелестнейша: единем мгновением, и вся сия смерть приемлет. Но во свете, Христе, лица Твоего и с наслаждении Твоея красоты, егоже избрал еси, упокой, яко человеколюбец.
Какая житейская радость не смешана с горем? Какая слава стоит на земле непоколебимо? Все ничтожнее тени; все обманчивее сновидений: одно мгновение — и смерть все отнимает. Но, Христе, как Человеколюбец упокой того, кого Ты избрал Себе, во свете лица Твоего и в наслаждении красотою Твоею.
Увы мне, яковый подвиг имать душа разлучающися от телесе! Увы, тогда колико слезит и несть помилуяй ю! Ко Ангелом очи возводящи, бездельно молится: к человеком руце простирающи, не имать помогающаго. Темже, возлюбленнии мои братие, помысливше нашу краткую жизнь, преставленному упокоения от Христа просим, и душам нашим велию милость.
О, как страдает душа, разлучаясь с телом! О, сколько она проливает в это время слез, и некому ее пожалеть! Обращает она взоры ко Ангелам — и напрасно молит (их); простирает руки к людям — и некому помочь. Поэтому, возлюбленнии мои братья, уразумев краткость нашей жизни, попросим у Христа переселившемуся (от нас) упокоения, а своим душам — великой милости.
Вся суета человеческая, елика не пребывают по смерти: не пребывает богатство, ни сшествует слава: пришедшей бо смерти, сия вся потребишася. Темже Христу Безсмертному возопиим: преставленнаго от нас упокой, идеже всех есть веселящихся жилище.
Все человеческое, что не остается после смерти, — ничтожество: не остается (с человеком) богатство, не сопутствует (ему) слава. Только придет смерть — и все это исчезло. Поэтому воскликнем бессмертному Христу: «Упокой переселившегося от нас там, где жилище всех радующихся.
Где есть мирское пристрастие; где есть привременных мечтание; где есть злато и сребро; где есть рабов множество и молва; вся персть, вся пепел, вся сень. Но приидите, возопиим Безсмертному Царю: Господи, вечных Твоих благ сподоби преставльшагося от нас, упокояя его в нестареющемся блаженстве Твоем.
Где привязанность к миру? Где мечты о скоропроходящих (благах)? Где золото и серебро? Где множество шумных слуг? Все — прах, все — пепел, все — призрак. Но приходите, воскликнем бессмертному Царю: «Господи, удостой переселившегося от нас вечных Твоих благ, упокой его в неувядающем блаженстве Твоем!»
Помянух пророка вопиюща: аз есмь земля и пепел. И паки разсмотрих во гробех, и видех кости обнажены, и рех: убо кто есть царь, или воин, или богат, или убог, или праведник, или грешник? Но упокой, Господи, с праведными раба Твоего.
Вспомнил я пророка, воскликнувшего; » Я — земля и пепел!» И потом всмотрелся я в могилы, увидел голые кости и сказал (себе): «Кто же здесь царь, кто (простой) воин? Кто богатый и нищий, праведник и грешник? Но упокой, Господи, с праведными раба Твоего!»
Начаток мне и состав зиждительное Твое бысть повеление: восхотев бо от невидимаго же и видимаго жива мя составити естества, от земли тело мое создал еси, дал же ми еси душу Божественным Твоим животворящим вдохновением. Темже, Христе, раба Твоего во стране живущих, в селении праведных упокой.
Началом существа моего было Твое творческое повеление; ибо, восхотев составить меня живым из невидимого (начала) и видимой пироды, Ты создал мое тело из земли, а душу дал мне, вдохнув ее Твоим Божественным и дающим жизнь дуновением. Поэтому, Христе, упокой раба Твоего в стране живых, в жилищах праведников!
По образу Твоему и по подобию создавый в начале человека, в раи поставил еси владети Твоими тварьми: завистию же диаволею прельстився, снеди причастися, заповедей Твоих преступник быв. Темже паки в землю, от неяже взят бысть, осудил еси возвратитися, Господи, и испросити у Тебе упокоение.
Создавши в начале человека по образу Твоему и по подобию, Ты поселил его в раю, чтобы он владел Твоими тварями. Но, обольщенный завистью диавола, он вкусил (запрещенной) пищи, сделавшись (таким образом) нарушителем заповедей Твоих. Поэтому, Господи, Ты назначил ему в наказание возвратиться в землю и просить у Тебя упокоения.
Плачу и рыдаю, егда помышляю смерть и вижду во гробех лежащую, по образу Божию созданную нашу красоту, безобразну, безславну, не имущую вида. О чудесе! Что сие еже о нас бысть таинство; како предахомся тлению; воистинну Бога повелением, якоже писано есть, подающаго преставльшемуся упокоение.
Я плачу и рыдаю всякий раз, как помыслю о смерти и увижу лежащую во гробу созданную по образу Божию красоту нашу безобразной, бесславной, не имеющей (никакого) вида. Какое чудо! Что за таинственное явление с нами? Как предались мы разложению? Как соединились со смертию? Воистинну это, как сказано в Писании, по повелению Бога, дающего упокоение ушедшему (от нас).
В поэме А.К. Толстого «Иоанн Дамаскин» содержится прекрасное переложение этих стихир. Являясь художественным текстом, переложение, естественно, не стремится к буквальному следованию оригиналу.

Венчание

Последование мертвенное мирских тел.

св.: Благословен бог наш…

чтец: Трисвятое: по Отче наш.

св.: Яко Твое есть царство…

хор: Аминь.

Со духи праведных скончавшихся, душу раба твоего, Спасе, упокой, сохраняя ю во блаженной жизни, яже у Тебе, Человеколюбче.

В покоищи твоем, Господи, идеже вси святии Твои упокоеваются, упокой и душу раба Твоего, яко един еси Человеколюбец.

Слава: Ты еси Бог, сошедый во ад и узы окованных разрешивый, Сам и душу раба Твоего упокой.

И ныне: Едина чистая и непорочная Дево, Бога без семени рождшая, моли спастися душе его.

Сугубая ектения…

чтец: Живый в помощи…(90-й псалом)

хор: Благословен, еси, Господи, научи мя оправданием Твоим.

Святых лик обрете источник жизни и дверь райскую, да обрящу и аз путь покаянием. Погибшее овча аз есмь, воззови мя, Спасе и спаси мя.

Благословен еси, Господи, научи мя оправданием Твоим.

Агнца Божия проповедавше, и заклани бывше, якоже агнцы, и к жизни нестареемей, святии, и присносущней преставльшеся, Того прилежно, мученицы, молите, долгов разрешение нам даровати.

Благословен еси, Господи, научи мя оправданием Твоим.

В путь узкий хождшии прискорбный, вси в житии крест, яко ярем вземшии, и Мне последовавшии верою, приидите насладитеся, ихже уготовах вам почестей и венцов небесных.

Благословен еси, Господи, научи мя оправданием Твоим.

Образ есть неизреченныя Твоея славы, аще и язвы ношу прегрешений, ущедри Твое создание, Владыко и очисти Твоим благоутробием, и возжеленное отечество подаждь ми, рая паки жителя мя сотворяя.

Благословен, еси, Господи, научи мя оправданием Твоим.

Древле убо от не сущих создавый мя, и образом Твоим божественным почтый, преступлением же заповеди паки мя возвративый в землю, от неяже взят бых, на еже по подобию возведи, древнею добротою возобразитися.

Благословен еси, Господи, научи мя оправданием твоим.

Упокой, Боже, раба Твоего и учини его в раи, идеже лицы святых, Господи, и праведницы сияют яко светила, усопшего раба Твоего упокой, презирая его вся согрешения.

Слава: Трисиятельное единого Божества, благочестно поем, вопиюще: свят еси Отче безначальный, собезначальный Сыне и Божественный Душе, просвети нас верою Тебе служащих, и вечнаго огня исхити.

И ныне: Радуйся, Чистая, Бога плотию рождшая во спасение всех, Еюже род человеческий обрете спасение,Тобою да обрящем рай, Богородице чистая благословенная.

Аллилуия, аллилуия, аллилуия,

слава Тебе, Боже. (трижды)

Малая ектения.

хор:Аминь. Покой, Спасе наш, с праведными раба Твоего, и сего всели во дворы твоя, якоже есть писано, презирая яко Благ прегрешения его, вольная и невольная, и вся яже в ведении и не в ведении, Человеколюбче.

слава: И вся, яже в ведении и не в ведении,Человеколюбче.

и ныне: От Девы возсиявый миру, Христе Боже, сыны света Тою показавый, помилуй нас.

чтец: Помилуй мя, Боже(50-й псалом)

КАНОН

1.Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.

3.Несть свят, якоже ты, Господи, Боже мой, вознесый рог верных Твоих, Блаже, и утвердивый нас на камени исповедания твоего.

малая ектения

седален:

Воистину суета всяческая, житие же тень и соние: ибо всуе мятется всяк земнородный, якоже рече писание – когда мир приобрящем, тогда во гроб вселимся, идеже вкупе царие и нищие. Темже, Христе Боже, преставльшегося раба Твоего упокой, яко Человеколюбец.

Слава, и ныне: Всесвятая Богородице, во время живота моего не остави мене, человеческому предстательству не ввери мя, но сама заступи и помилуй мя.

4. Христос моя сила, Бог и Господь, честная Церковь боголепно поет взывающе, от смысла чиста о Господе празднующе.

5. Божиим светом Твоим Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающе.

6. Житейское море, воздвизаемое зря напастей бурею, к тихому пристанищу притек, вопию Ти: возведи от тли живот мой, Многомилостиве.

Малая ектения

кондак

Со святыми упокой, Христе, душу раба твоего, идеже несть болезнь, ни печаль, ни воздыхание, но жизнь бесконечная.

Сам един еси безсмертный, сотворивый и создавый человека, земнии убо от земли создахомся, и в землю туюжде пойдем, яко же повелел еси Создавый мя и рекий ми: яко земля еси и в землю отидеши, аможе вси че- ловецы пойдем, надгробное рыдание творяще песнь: аллилуия.

7. Росодательну убо пещь содела ангел преподобным отроком, халдеи же опаляющее веление Божие, мучителя увеща вопити: благос-ловен еси Боже отец наших.

8. Из пламени преподобным росу источил еси, и праведного жертву водою попалил еси: вся бо твориши, Христе, токмо еже хотети. Тя превозносим во вся веки.

9. Бога человеком невозможно видети, на Него же не смеют чини ангельстии взирати: Тобою же, Всечистая, явися человеком Слово воплощенно, Его же величающе, с небесными вои Тя ублажаем.

Малая ектения

Стихира

Плачу и рыдаю, егда помышляю смерть, и вижду во гробех лежащую, по образу Божию созданную нашу красоту, безобразну, без-славну, не имущую вида. О, чудесе! Что сие еже о нас бысть таинство? Како предахомся тлению? Како сопрягохомся смерти? Воисти-ну, Бога повелением, якоже писано есть, по-дающего преставльшемуся упокоение.

Блаженны…

Во царствии Твоем, егда приидеши, помяни нас, Господи.

Блажени нищии духом, яко тех есть Царс-тво небесное.

Блажени плачущии, яко тии утешатся.

Блажени кротцыи, яко тии наследят землю.

Блажени алчущии и жаждущии правды, яко тии насытятся.

Блажени милостивии, яко тии помиловани будут.

*****************************************

Блажени чистии сердцем, яко тии Бога уз-рят.

****************************************

Блажени миротворцы, яко тии сынове Бо- жии нарекутся.

****************************************

Блажени изгнани правды ради, яко тех есть Царство небесное.

****************************************

Блажени есте, егда поносят вам и изжденут, и рекут всяк зол глагол на вы, лжуще Мене ради.

***************************************

Радуйтеся и веселитеся, яко мзда ваша многа на небесех.

***************************************

Слава…

***************************************

И ныне…

***************************************

прокимен

Блажен путь, в оньже идеши днесь, ду-ше,яко уготовася тебе место упокоения.

на последнее прощание

На последнее прощание:

Приидите, последнее целование дадим, братие, умершему, благодаряще Бога, сей бо оскуде от сродства своего и ко гробу тщится, не к тому пекийся о суетных и о мно- гострастной плоти. Где ныне сродницы же и друзи? Се разлучаемся. Его же упокоити, Господу помолимся.

Воистину, суета и тление вся житейская, виды, и безславная; вси бо исчезаем, вси умрем: царие же и князи, судии и насильницы, богатии и убозии, и все естество челове-ческое. Ныне бо, иже иногда в житии, во гробы вергаются, их же да упокоит Господь, помо-лимся.

Земле, зинувше, приими от тебе созданного рукою Божиею прежде, паки же возвращшася к тебе рождшей: еже бо по образу Создатель прият, ты же приими тело твое.


Последование панихиды.

св:Благословен Бог наш…

чтец:Трисвятое…по Отче наш… Господи, помилуй, 12

Слава, и ныне: Приидите, поклонимся…

Живый в помощи Вышняго…(90-й псалом)

Великая екения (заупокойная)

св: Аллилуия…(3-жды)

хор: Аллилуия…(3-жды)

св: Блажени, яже избрал и приял еси, Господи.

хор: Аллилуия…

св: Память их в род и род.

хор: Аллилуия…

св: Души их во благих водворятся.

хор: Аллилуия…

Глубиною мудрости , человеколюбно вся строяй, и полезное всем подаваяй, едине Со-детелю, упокой, Господи, души раб Твоих: на Тя бо упование возложиша,Творца и Зиждите-ля, и Бога нашего.

Слава, и ныне…

Тебе и стену, и пристанище имамы, и молит-венницу благоприятну к Богу, Его же родила еси, Богородице безневестная, верных спасе-ние.

Благословен еси, Господи, научи мя оправ-данием Твоим.

Святых лик обрете источник жизни и дверь райскую: да обрящу и аз путь покаянием. По-гибшее овча аз есмь, воззови мя, Спасе, и спа-си мя.

Благословен еси, Господи, научи мя оправ-данием Твоим.

Агнца Божия проповедавше, и заклани быв-ше, яко же агнцы, и к жизни нестареемей, свя-тии, и присносущней преставльшеся, Того при-лежно, мученицы, молите долгов разрешение нам даровати.

Благословен еси,Господи, научи мя оправ-данием Твоим.

В путь узкий хождшии прискорбный, вси в житии крест, яко ярем вземшии, и мне после-довавшии верою, приидите, насладитеся, ихже уготовах вам почестей и венцев небесных.

Благословен еси, Господи, научи мя оправ-данием Твоим.

Образ есмь неизреченныя Твоея славы, аще и язвы ношу прегрешений. Ущедри Твое созда-ние, Владыко, и очисти Твоим благоутробием, и возжеленное отечество подаждь ми, рая паки жителя мя сотворяя.

Благословен еси, Господи, научи мя оправ-данием Твоим.

Древле убо от не сущих создавый мя, и об-разом Твоим Божественным почтый, преступ-лением же заповеди паки мя возвративый в землю, от нея же взят бых, на еже по подобию возведи, древнею добротою возобразитися.

Благословен еси, Господи, научи мя оправ-данием Твоим.

Упокой, Боже, рабы Твоя, и учини я в раи, идеже лицы святых, Господи, и праведницы си-яют, яко светила. Усопшия рабы Твоя упокой, презирая их вся согрешения.

Слава: Трисиятельное единаго Божества, благочестно поем вопиюще: свят еси,Отче без-начальный, собезначальный Сыне и божест-венный Душе. Просвети нас верою Тебе слу-жащих, и вечнаго огня исхити.

И ныне: Радуйся, Чистая, Бога плотию рожд-шая во спасение всех, Ею же род человечес-кий обрете спасение, Тобою да обрящем рай, Богородице чистая благословенная.

Аллилуия, аллилуия, аллилуия,

слава Тебе, Божею. (трижды)

малая ектения

седален:

Покой, Спасе наш, с праведными рабы Твоя, и сия всели во дворы Твоя, якоже есть писано, презирая, яко Благ, прегрешения их вольная и невольная, и вся, яже в ведениии не в веде-нии, Человеколюбче.

Слава, и ныне…

От Девы возсиявый миру, Христе Боже наш, сыны света Тою показавый, помилуй нас.

Помилуй мя, Боже…(50-й псалом)

Канон

1.Яко по суху пешешествовав Израиль, по бездне стопами, гонителя фараона видя по-топляема, Богу победную песнь поим, вопи-яше.

3.Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Тво-его.

Малая ектения.

Седален:

Воистину суета всяческая,житие же тень и соние, ибо всуе мятется всяк земнородный, якоже рече писание: егда мир приобрящем, тогда во гроб вселимся, идеже вкупе царие и нищии. Тем же, Христе Боже, преставльшие-ся упокой, яко Человеколюбец.

Слава, и ныне…

Всесвятая Богородице, во время живота моего не остави мене, человеческому пред-стательству не ввери мя, но Сама заступи, и помилуй мя.

4.Христос моя сила, Бог и Господь, чест-ная церковь боголепно поет взывающе, от смысла чиста о Господе празднующе.

5.Божиим светом Твоим, Блаже, утренюю-щих Ти души любовию озари, молюся, Тя ве- дети, Слове Божий, истиннаго Бога, от мрака

греховнаго взывающе.

6.Житейское море, воздвизаемое зря на-пастей бурею, к тихому пристанищу Твоему притек, вопию Ти: возведи от тли живот мой, Многомилостиве.

Малая ектения.

Кондак:

Со святыми упокой, Христе, души раб Тво-их, идеже несть болезнь, ни печаль, ни воз-дыхание, но жизнь бесконечная.

Сам един еси безсмертный, сотворивый и создавый человека, земнии убо от земли создахомся и в землю туюжде пойдем, яко-же повелел еси, создавый мя и рекий ми: яко земля еси и в землю отидеши, аможе вси че-овецы пойдем, надгробное рыдание творя-ще песнь: аллилуия.

7. Росодательну убо пещь содела ангел преподобным отроком, халдеи же опаляющее веление Божие, мучителя увеща вопити: благословен еси Боже отец наших.

8.Из пламени преподобным росу источил еси и праведнаго жертву водою попалил еси, вся бо твориши Христе, токмо еже хотети. Тя превозносим во вся веки.

9.Бога человеком невозможно видети, на Него же не смеют чини ангельстии взирати: Тобою же, Всечистая, явися человеком Слово воплощенно, Его же величающе, с небесными вои Тя ублажаем.

После припевов:

св: Богородицу и Матерь света в песнех возвеличим.

хор: Дуси и души праведных восхвалят Тя, Господи.

И снова: Бога человеком…

Чтец:Трисвятое…по Отче наш…

Со духи праведных скончавшихся души раб Твоих, Спасе, упокой, сохраняя я во блаженной жизни, яже у Тебе, Человеколюбче.

В покоищи Твоем, Господи, идеже вси святии Твои упокоеваются, упокой и души раб Твоих, яко един еси Человеколюбец.

Слава: Ты еси Бог, сошедый во ад и узы окованных разрешивый, Сам и души раб Твоих упокой.

И ныне: Едина чистая и непорочная Дево, Бога без семене рождшая, моли спастися душам их.

Малое освящение воды.

Тропарь:

К Богородице прилежно ныне притецем, грешнии и смиреннии и припадем, в покаянии зовуще из глубины души: Владычице, помози на ны милосердовавши: потщися погибаем от множества прегрешений, не отврати Твоя рабы тщи, Тя бо и едину надежду имамы. (дважды)

Слава, и ныне: Не умолчим никогда, Богородице, силы Твоя глаголати недостойнии: аще бо Ты не бы предстояла молящи, кто бы нас избавил от толиких бед? Кто же бы сохранил до ныне свободны? Не отступим, Владычице от Тебе: Твоя бо рабы спсаеши от всяких лютых.

Еже радуйся ангелом приимшая, и рождшая Зиждителя Твоего, Дево, спасай Тя величающия.

Пресвятая Богородице, спаси нас.

Воспеваем Сына Твоего, Богородице, и вопием: Пречистая Владычице, всякия беды избави рабы Твоя.

Пресвятая Богородице, спаси нас.

Святии славные архангели и ангели, молите Бога о нас.

Предтече Спасов Иоанне, моли Бога о нас.

Святии славнии апостоли и мученицы и вси святии, молите Бога о нас.

Святии славнии бессребреницы, молите Бога о нас.

Милосердия двери отверзи нам, Богородице, надеющиися на Тя да не погибнем, но да избавимся Тобою от бед: Ты бо еси спасение рода христианского.

Ныне наста время всех освящающее и праведный нас ждёт Судия, но обратися, душе, к покаянию, яко блудница зовущи со слезами: Господи, помилуй мя.

Водами одождивый, Христе, источник исцелений, во всечестнем храме Девы днесь, Твоего благословения окроплением, отгоняеши недуги немощствующих, Врачу душ и телес наших.

Дева родила еси неискусобрачная, и Дева пребыла еси Мати безневестная,Богородице Марие, Христа Бога нашего моли спастися нам.

Пресвятая Богородице Дево, рук наших дела исправи и прощение прегрешений наших испроси, внегда пети нам ангельское пение: Святый Боже, Святый Крепкий, Святый Безсмертный, помилуй нас.

Прокимен:

Господь Просвещение мое и Спаситель мой. Кого убоюся?

Спаси, Господи, люди Твоя, и благослови достояние твое, победы православным хрис-тианом на сопротивныя даруя, и Твое сохраняя Крестом Твоим жительство.

Тропари на окропление:

Источник исцелений имуще святии безсребренницы, исцеления подаваете всем требующим, яко превелиих дарований спо-добльшиися от приснотекущаго источника Спаса нашего. Глаголет бо к вам Господь, яко единоревнителям апостольским: се дах вам власть на духи нечистыя, якоже тех изгонити, и целити всякий недуг и всякую язю. Тем же в повелениих Его добре жительствовавше, туне приясте, туне подаваете, исце-ляюще страсти душ и телес наших.

Призри на моления Твоих раб, Всенепорочная, утоляюще лютая на ны востания, всякия скорби нас изменяющи. Тя бо едину твердое и известное утверждение имамы, и твое предстательство стяжахом, да не постыдимся, Владычице, Тя призывающии. Потщися на умоление, Тебе верно вопиющих: радуйся, Владычице, всех помоще, радосте и покрове, и спасение душ наших.

Молебен

Богородице: К Богородице прилежно ныне притецем, грешнии и смиреннии и припадем, в покаянии зовуще из глубины души: Владычице, помози на ны милорсердствовавши. Потщися, погибаем от множества прегрешений, не отврати Твоя рабы тщи. Тя бо и едину надежду имамы. (дважды)

Слава, и ныне: Не умолчим никогда, Богородице, силы Твоя глаголати недостойнии, аще бо Ты не бы предстояла молящи, кто бы нас избавил от толиких бед? Кто же бы сох-ранил до ныне свободны? Не отступим, Владычице, от Тебе: Твоя бо рабы спасаеши присно от всяких лютых.

—————————————————————

О болящих: Скорый в заступлении Един Сый Христе, скорое свыше покажи посещение страждущим рабом Твоим, и избави от недуг и горьких болезней, и воздвигни еже пети Тя, и славити непрестанно, молитвами Богородицы, Едине Человеколюбче.

Слава, и ныне: На одре болезни лежащих и смертною раною уязвленных, яко же иногда воздвигл еси, Спасе, Петрову тещу, и разслабленнаго на одре носимаго; сице и ныне, Милосерде, страждущих посети и исцели. Ты бо Един еси недуги и болезни рода нашего понесый и вся могий, яко Многомилостив.

—————————————————————

К началу работы: Творче и Создателю всяческих, Боже, дела рук наших, к славе Твоей начинаемая, Твоим благословением спешно исправи, и нас от всякого зла избави, яко Един Всесилен и Человеколюбец.

Слава: Скорый в заступление и крепкий в помощь, предстани благодатию силы Твоея ныне и, благословив, укрепи, и в совершение намерения благаго дела рабов Твоих произведи. Вся бо, елика хощеши, яко всесильный Бог, творити можеши.

И ныне: Предстательство христиан непостыдное, ходатайство ко Творцу непреложное, не презри грешных молений гласы, но предвари, яко благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

————————————————————

О путешествующих: Путь и истина сый, Христе, спутника ангела Твоего рабом Твоим, якоже Товии иногда, посли сохраняюща, и невредимых к славе Своей, от всякого зла во всяком благополучии соблюдающи молитвами Богородицы, едине Человеколюбче.

Слава: Луце и Клеопе во Еммаус спутьшест-вовавый, Спасе, сошествуй и ныне рабом Твоим, путешествовати хотящим, от всякого избавляя их злаго обстояния. Вся бо Ты, яко Человеколюбец, можеши хотяй.

И ныне: Предстательство христиан непос-тыдное, ходатайство, ходатайство ко Творцу непреложное, не презри грешных молений гласы, но предвари, яко благая , на помощь нас, верно зовущих Ти: ускори на молитву и потщися на умоление, предстательствующе присно, Богородице, чтущих Тя.

—————————————————————

Запевы по 3-й и 6-й песнях:

Спасителю: Избави от бед рабы Твоя, Мно-гомилостиве, яко мы усердно к Тебе прибегаем, милостивому Избавителю, всех Владыце, Господу Иисусу.

Богородице: Спаси от бед рабы Твоя, Богородице, яко вси по Бозе к тебе прибегаем, яко нерушимей стене и предстательству.

Призри благосердием, всепетая Богороди-це на мое лютое телесе озлобление, и исце-ли души моея болезнь.

святым: Моли Бога о нас ___ яко мы усердно к тебе прибегаем, скорому помощнику и мо-литвеннику о душах наших.

—————————————————————

Прокимны:

Богородице: Помяну имя Твое во всяком роде и роде.

О болящих: Помилуй мя, Господи, яко немощен есмь, исцели мя, яко смятошася кости моя.

К началу работы: Буди светлость Гопода Бога нашего на нас и дело рук наших исправи.

О путешествующих: Скажи ми, Господи, путь в онь же пойду, яко к Тебе взях душу мою.

Молебен благодарственный

Благодарни суще недостойнии раби Твои, Господи, о Твоих великих благодеяниих на нас бывших, славяще Тя хвалим, благословим, благодарим, поем и величаем Твое благоутробие и рабски любовию вопием Ти: Благодетелю Спасе наш, слава Тебе.

Слава: Твоих благодеяний и даров туне, яко раби непотребнии, сподобльшеся, Владыко, к Тебе усердно притекающе, благодарение по силе приносим и Тебе, яко Благодетеля и Творца славяше, вопием: слава Тебе, Боже прещедрый.

И ныне: Богородице, христианом помощнице, Твое предстательство стяжавше раби Твои, благодарно Тебе вопием: радуйся,пречистая Богородице Дево, и от всех нас бед Твоими молитвами всегда избави, едина вскоре предстательствующая.

прокимен:

Воспою Господеви, благодеявшему мне, и пою имени Господа вышняго.

Тебе Бога хвалим, Тебе Господа испове-дуем, Тебе превечнаго Отца вся земля величает. Тебе вси ангели, Тебе небеса и вся силы, Тебе херувимы и серафимы непрестан-ными гласы взывают: Свят, Свят, Свят Господь Бог Саваоф, полны суть небеса и земля величества славы Твоея. Тебе преславный апостольский лик, Тебе пророческое хвалебное число, Тебе хвалит пресветлое мученическое воинство. Тебе по всей все-ленней исповедует святая Церковь, Отца непостижимаго величества: покланяемаго Твоего истиннаго и единороднаго Сына, и Свя-таго Утешителя Духа. Ты Царю славы, Хрис-те, Ты Отца присносущный Сын еси. Ты ко избавлению приемля человека, не возгнушался еси Девическаго чрева. Ты, одолев смерти жало, отверзл еси верующим Царство небесное. Ты одесную Бога седиши во славе Отчей, Судия приити веришися. Тебе убо просим: помози рабом Твоим, их же честною Кровию откупил еси; сподоби со святыми Твоими в вечней славе Твоей царствовати. Спаси люди Твоя, Господи, и благослови достояние Твое, исправи я и воз-неси их во веки: во вся дни благословим Тебе, и восхвалим имя Твое во век и во век века. Сподоби, Господи, в день сей без греха сохранитися нам. Помилуй нас, Господи, помилуй нас, буди милость Твоя, Господи, на нас, якоже уповахом на Тя. На Тя, Господи, упвахом, да не постыдимся во веки, аминь.

Молебны в общенародных нуждах

При бездождии: Воздуха растворение повелением Твоим прелагаяй, Господи, вольный дождь с благорастворенными воздухи даруй земли, еже приносити людем Твоим плоды изобильныя, и насыщати всяко животно Твоим благоволением, молитвами Богородицы и всех святых.

слава: Всех Творца и Зиждителя, и благих дателя Тя сведуще, Господи, к Тебе припадаем и прилежно молим: пощади, Милосерде, и прости яко Благ беззакония наша, и настоящего праведнаго гнева избави рабы Своя, подая, яко Благ, жаждущей земли благоплодныя дожди, яко Един Многомилостив.

и ныне: Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая на помощь нас, верно зовущих Ти: ускори на молитву, и потщися на умоление, предстательствующи присно, Богородице, чтущих Тя.

прокимен: Бразды земныя упой, и умножи жита ея.

При чрезмерном дожде: Призри милостивно, Боже, на люди согрешшия, и не презри в покаянии к Тебе припадающих. Но, яко Благ помилуй, и вскоре праведнаго Твоего избави прещения, молитвами Богородицы, едине Человеколюбче.

Слава, и ныне: Скорая миру помощнице, Дево Богородице, Твоего предстательства и крепкаго заступления тощно просим. Умилосердися на скорбящия люди и умоли милостиваго Сына Твоего и Бога от належащия нас избавити беды, и праведнаго Своего прещения, едина в женах Благословенная.

пркимен: Спаси мя, Боже, яко внидоша воды до души моея.

Венчание

Блажени вси боящиися Господа.

Ходящии в путех Его.

Труды плодов твоих снеси.

Блажен еси и добро Тебе будет.

Жена твоя, яко лоза плодовита, во странах дому твоего.

Сынове твои, яко новосаждения масличная окрест трапезы твоея.

Се тако благословится человек, бояйся Господа.

Благословит тя Господь от Сиона, и узри-ши благая Иерусалима вся дни живота твоего.

И узриши сыны сынов твоих. Мир на Израиля.

прокимен: Положил на главах их венцы, от камений честных, живота просиша у Тебе и дал еси им.

Последование панихиды

ПОИСК ФОРУМ

После обычного начала и 90-го псалма: «Живый в помощи Вышняго…» Великая ектения «Миром Господу помолимся» с заупокойными прошениями, затем «Аллилуиа» со стихами, потом:

Тропарь, глас 8-й:

Глубиною мудрости человеколюбно вся строяй, и полезное всем подаваяй, Едине Содетелю, упокой, Господи, души раб Твоих: на Тя бо упование возложиша, Творца и Зиждителя и Бога нашего.

Слава:, И ныне и присно и во веки веков. Аминь.

Тебе и стену и пристанище имамы, и Молитвенницу благоприятну к Богу, Егоже родила еси, Богородице Безневестная, верных спасение.

Тропари за упокой, глас 5-й

Запев: Благословен еси, Господи, научи мя оправданием Твоим.

Святых лик обрете источник жизни и дверь райскую, да обрящу и аз путь покаянием, погибшее овча аз есмь, воззови мя, Спасе, и спаси мя.

Запев: Благословен еси, Господи, научи мя оправданием Твоим.

Агнца Божия проповедавше и заклани бывше якоже агнцы, и к жизни нестареемей, святии; и присносущней преставльшеся: Того прилежно, мученицы, молите долгов разрешение нам даровати.

Запев: Благословен еси, Господи, научи мя оправданием Твоим.

В путь узкий хождшии прискорбный, вси в житии крест яко ярем вземшии и Мне последовавший верою, приидите насладитеся, ихже уготовах вам почестей и венцев небесных.

Запев: Благословен еси, Господи, научи мя оправданием Твоим.

Образ есмь неизреченныя Твоея славы, аще и язвы ношу прегрешений, ущедри Твое создание, Владыко, и очисти Твоим благоутробием, и возжеленное Отечество подаждь ми, рая паки жителя мя сотворяя.

Запев: Благословен еси, Господи, научи мя оправданием Твоим.

Древле убо от не сущих создавый мя и образом Твоим Божественным почтый, преступлением же заповеди, паки мя возвративый в землю, от неяже взят бых, но еже по подобию возведи древнею добротою возобразитися.

Запев: Благословен еси, Господи, научи мя оправданием Твоим.

Упокой, Боже, рабы Твоя и учини я в раи, идеже лицы святых, Господи, и праведницы сияют яко светила; усопшия рабы Твоя упокой, презирая их вся согрешения.

Слава Отцу и Сыну и Святому Духу.

Трисиятельное Единаго Божества, благочестно поем вопиюще: Свят еси, Отче Безначальный, Собезначальный Сыне, и Божественный Душе; просвети нас, верою Тебе служащих, и вечнаго огня исхити.

И ныне и присно и во веки веков. Аминь.

Радуйся, Чистая, Бога плотию рождшая во спасение всех, Еюже род человеческий обрете спасение, Тобою да обрящем рай, Богородице Чистая, Благословенная!

Аллилуиа, аллилуиа, аллилуиа, слава Тебе, Боже. (Трижды)

Посем ектения: Паки и паки…

Еще молимся о упокоении душ усопших рабов Божиих (имярек), и о еже простится им всякому прегрешению, вольному же и невольному.

Хор: Яко да Господь Бог учинит души их, идеже праведнии упокояются.

Хор: Господи, помилуй.

Милости Божия, Царства Небеснаго, и оставления грехов их, у Христа Безсмертнаго Царя и Бога нашего просим.

Хор: Подай, Господи.

Молитва

Боже духов и всякия плоти, смерть поправый и диавола упразднивый, и живот миру Твоему даровавый! Сам Господи, упокой души усопших рабов Твоих ( имярек), в месте светле, в месте злачне, в месте покойне, отнюдуже отбеже болезнь, печаль и воздыхание. Всякое согрешение, содеянное ими, словом, или делом, или помышлением, яко Благий Человеколюбец Бог прости, яко несть человек, иже жив будет и не согрешит, Ты бо един, кроме греха, правда Твоя правда во веки, и слово Твое истина.

Возглас: Яко Ты еси Воскресение, и Живот, и покой усопших рабов Твоих…

Седален, глас 5-й:

Покой, Спасе наш, с праведными рабы Твоя, и сия всели во дворы Твоя, якоже есть писано, презирая яко Благ, прегрешения их, вольная и невольная, и вся яже в ведении и не в ведении, Человеколюбче.

Слава Отцу и Сыну и Святому Духу. И ныне и присно и во веки веков. Аминь.

От Девы возсиявый миру, Христе Боже, сыны света Тою показавый, помилуй нас.

Ирмосы канона, глас 8:

ПЕСНЬ 1:

Яко по суху пешешествовав Израиль, по бездне стопами, гонителя фараона видя потопляема, Богу победную песнь поим вопияше.

Катавасия: Воду прошед яко сушу, и египетскаго зла избежав, израильтянин вопияше:

Избавителю и Богу нашему поим.

Запевы: Покой, Господи, души усопших раб Твоих.

Слава Отцу и Сыну и Святому Духу.

И ныне и присно и во веки веков. Аминь.

ПЕСНЬ 3:

Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.

Катавасия: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.

ПЕСНЬ 6:

Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.

Катавасия: Молитву пролию ко Господу, и Тому возвещу печали моя, яко зол душа моя исполнися, и живот мой аду приближися, и молюся яко Иона: от тли, Боже, возведи мя.

Кондак, глас 8-й: Со святыми упокой, Христе, душы раб Твоих, идеже несть болезнь, ни печаль, ни воздыхание, но жизнь безконечная.

Икос: Сам Един еси Безсмертный, сотворивый и создавый человека: земнии убо от земли создахомся, и в землю туюжде пойдем, якоже повелел еси, Создавый мя и рекий ми: яко земля еси и в землю отыдеши, аможе вси человецы пойдем, надгробное рыдание творяще песнь: аллилуиа, аллилуиа, аллилуиа.

Иерей: Богородицу и Матерь Света в песнех возвеличим.

Хор: Дуси и души праведных восхвалят Тя, Господи.

ПЕСНЬ 9:

Бога человеком невозможно видети, на Него же не смеют чини ангельстии взирати: Тобою бо, Всечистая, явися человеком Слово воплощенно, Егоже величающе, с небесными вой Тя ублажаем.

Катавасия: Ужасеся о сем небо, и земли удивишася концы, яко Бог явися человеком плотски, и чрево Твое бысть пространнейшее небес. Тем Тя, Богородицу, ангелов и человек чиноначалия величают.

Святый Боже, Святый Крепкий, Святый Безсмертный, помилуй нас. (Tрижды)

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй. (Трижды)

Слава Отцу и Сыну и Святому Духу, и ныне и присно и во веки веков. Аминь.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Тропари, глас 4-й: Со духи праведных скончавшихся души раб Твоих, Спасе, упокой, сохраняя их во блаженней жизни, яже у Тебе, Человеколюбче.

В покоищи Твоем, Господи, идеже вси святии Твои упокоеваются, упокой и души раб Твоих, яко Един еси Человеколюбец.

Слава Отцу и Сыну и Святому Духу.

Ты еси Бог, сошедый во ад и узы окованных разрешивый, Сам и души раб Твоих упокой.

И ныне и присно и во веки веков. Аминь.

Едина Чистая и Непорочная Дево, Бога без семене рождшая, моли спастися душам их.

Посем ектения: Помилуй нас, Боже…

Отпуст и возглашение иерея или диакона:

Во блаженном успении вечный покой подаждь, Господи, усопшим рабом Твоим (имярек) и сотвори им вечную память.

Хор: Вечная память. (Трижды)

Отпевание усопших текст

Добавить комментарий

Ваш e-mail не будет опубликован. Обязательные поля помечены *