Все тексты на завтра представлены в соответствии с указаниями Типикона. Специальные чтения обозначены только для Великих и бденных праздников.

Порядок чтений: Понедельник, 11 марта 2019 г. (26 февраля ст.ст.)
Седмица 1-я Великого поста
Свт. Порфирия, архиеп. Газского (420)

Богослужебные указания для священно- и церковнослужителей

На русском in English На сегодня

Евангельские и Апостольские чтения

На вечерне

Быт.1:1 В начале сотвори Бог небо и землю.
Быт.1:2 Земля же бе невидима и неустроена, и тма верху бездны, и Дух Божий ношашеся верху воды.
Быт.1:3 И рече Бог: да будет свет. И бысть свет.
Быт.1:4 И виде Бог свет, яко добро, и разлучи Бог между светом и между тмою.
Быт.1:5 И нарече Бог свет день, а тму нарече нощь. И бысть вечер, и бысть утро, день един.
Быт.1:6 И рече Бог: да будет твердь посреде воды, и да будет разлучающи посреде воды и воды. И бысть тако.
Быт.1:7 И сотвори Бог твердь, и разлучи Бог между водою, яже бе под твердию, и между водою, яже бе над твердию.
Быт.1:8 И нарече Бог твердь небо. И виде Бог, яко добро. И бысть вечер, и бысть утро, день вторый.
Быт.1:9 И рече Бог: да соберется вода, яже под небесем, в собрание едино, и да явится суша. И бысть тако. И собрася вода, яже под небесем, в собрания своя, и явися суша.
Быт.1:10 И нарече Бог сушу землю, и собрания вод нарече моря. И виде Бог, яко добро.
Быт.1:11 И рече Бог: да прорастит земля былие травное, сеющее семя по роду и по подобию, и древо плодовитое творящее плод, емуже семя его в нем, по роду на земли. И бысть тако.
Быт.1:12 И изнесе земля былие травное, сеющее семя по роду и по подобию, и древо плодовитое творящее плод, емуже семя его в нем, по роду на земли. И виде Бог, яко добро.
Быт.1:13 И бысть вечер, и бысть утро, день третий.
Быт.1:14 И рече Бог: да будут светила на тверди небесней, освещати землю и разлучати между днем и между нощию: и да будут в знамения и во времена, и во дни и в лета,
Быт.1:15 и да будут в просвещение на тверди небесней, яко светити по земли. И бысть тако.
Быт.1:16 И сотвори Бог два светила великая: светило великое в начала дне, и светило меншее в начала нощи, и звезды:
Быт.1:17 и положи я Бог на тверди небесней, яко светити на землю,
Быт.1:18 и владети днем и нощию, и разлучати между светом и между тмою. И виде Бог, яко добро.
Быт.1:19 И бысть вечер, и бысть утро, день четвертый.
Быт.1:20 И рече Бог: да изведут воды гады душ живых, и птицы летающыя по земли, по тверди небесней. И бысть тако.
Прит.1:1 Притчи Соломона сына Давидова, иже царствова во Израили,
Прит.1:2 познати премудрость и наказание и уразумети словеса мудрости,
Прит.1:3 прияти же извития словес и разрешения гаданий, уразумети же правду истинную и суд исправляти:
Прит.1:4 да даст незлобивым коварство, отрочати же юну чувство же и смысл.
Прит.1:5 Сих бо послушав, мудрый премудрее будет, а разумный строителство стяжет:
Прит.1:6 уразумеет же притчу и темное слово, речения же премудрых и гадания.
Прит.1:7 Начало премудрости страх Господень, разум же благ всем творящым его: благочестие же в Бога начало чувства, премудрость же и наказание нечестивии уничижат.
Прит.1:8 Слыши, сыне, наказание отца твоего и не отрини заветов матере твоея:
Прит.1:9 венец бо благодатей приимеши на твоем версе и гривну злату о твоей выи.
Прит.1:10 Сыне, да не прельстят тебе мужие нечестивии, ниже да восхощеши,
Прит.1:11 аще помолят тя, глаголюще: иди с нами, приобщися крове, скрыем же в землю мужа праведна неправедно:
Прит.1:12 пожрем же его якоже ад жива, и возмем память его от земли,
Прит.1:13 стяжание его многоценное приимем, исполним же домы нашя корыстей:
Прит.1:14 жребий же твой положи с нами: обще же влагалище стяжем вси, и мешец един да будет всем нам.
Прит.1:15 Не иди в путь с ними: уклони же ногу твою от стезь их:
Прит.1:16 нозе бо их на зло текут, и скори суть излияти кровь.
Прит.1:17 Не без правды бо простираются мрежи пернатым:
Прит.1:18 тии бо убийству приобщающеся, сокровищствуют себе злая: разрушение же мужей законопреступных зло.
Прит.1:19 Сии путие суть всех творящих беззаконная: нечестием бо свою душу отемлют.
Прит.1:20 Премудрость во исходех поется, в стогнах же дерзновение водит,

Прокимны и аллилуарии

Добавить комментарий

Ваш e-mail не будет опубликован. Обязательные поля помечены *